കേരള സംസ്ഥാന ഭവന നിർമ്മാണ ബോർഡിൽ നിയമനം

കേരള സംസ്ഥാന ഭവന നിർമ്മാണ ബോർഡ് ഓവർസിയർ ഡ്രാഫ്റ്റ് മാൻ ജോലി ഒഴിവിൽ യോഗ്യരായവരെ നിയമിക്കുന്നതിനായി അപേക്ഷകൾ ക്ഷണിക്കുന്നു.

പൊതുവായ പ്രായപരിധി: 18-നും 36-നും ഇടയിൽ

ജനന തീയതി: 02.01.1989-നും 01.01.2007-നും ഇടയിൽ ജനിച്ചവരായിരിക്കണം (ഈ രണ്ടു തീയതികളും ഉൾപ്പെടെ)

ഇളവുകൾ: മറ്റു പിന്നോക്ക വിഭാഗക്കാർക്കും (OBC), പട്ടികജാതി/പട്ടികവർഗ്ഗ (SC/ST) വിഭാഗക്കാർക്കും നിയമാനുസൃതമായ വയസ്സ് ഇളവുകൾ ലഭിക്കുന്നതാണ്.

ഉദ്യോഗാർത്ഥി താഴെ പറയുന്ന യോഗ്യതകൾ നേടിയിരിക്കണം.

എസ്.എസ്.എൽ.സി. (SSLC) 

അല്ലെങ്കിൽ തത്തുല്യമായ പരീക്ഷ പാസ്സായിരിക്കണം.

കൂടാതെ, താഴെ പറയുന്ന യോഗ്യതകളിൽ ഏതെങ്കിലും ഒന്ന്:

ഇൻസ്റ്റിറ്റ്യൂട്ട് ഓഫ് എഞ്ചിനീയേഴ്സ് (ഇന്ത്യ) നടത്തുന്ന സിവിൽ എഞ്ചിനീയറിംഗ് മെമ്പർഷിപ്പ് പരീക്ഷയുടെ ‘A’ യും ‘B’ യും സെക്ഷനുകൾ ജയിച്ചിരിക്കണം.

അല്ലെങ്കിൽ, കേരള സർക്കാരിന്റെ ത്രിവത്സര സിവിൽ എഞ്ചിനീയറിംഗ് ഡിപ്ലോമ അല്ലെങ്കിൽ സർക്കാർ അംഗീകരിച്ച തത്തുല്യമായ ഡിപ്ലോമ.

രജിസ്ട്രേഷൻ: കേരള പബ്ലിക് സർവ്വീസ് കമ്മീഷന്റെ (Kerala PSC) ഔദ്യോഗിക വെബ്സൈറ്റായ www.keralapsc.gov.in വഴി ‘ഒറ്റത്തവണ രജിസ്ട്രേഷൻ’ (One Time Registration) ചെയ്ത ശേഷമാണ് അപേക്ഷിക്കേണ്ടത്.

അപേക്ഷ സമർപ്പണം: രജിസ്റ്റർ ചെയ്ത ഉദ്യോഗാർത്ഥികൾ അവരുടെ User ID യും Password ഉം ഉപയോഗിച്ച് പ്രൊഫൈലിൽ ലോഗിൻ ചെയ്ത ശേഷം, പ്രസ്തുത തസ്തികയോടൊപ്പമുള്ള ‘Apply Now’ ലിങ്കിൽ ക്ലിക്ക് ചെയ്ത് അപേക്ഷ സമർപ്പിക്കുക.

ഫീസ്: അപേക്ഷാ ഫീസ് നൽകേണ്ടതില്ല

അപേക്ഷ സ്വീകരിക്കുന്ന അവസാന തീയതി: 31.12.2025 ബുധനാഴ്ച അർദ്ധരാത്രി 12 മണി വരെ.

പരമാവധി ഷെയർ ചെയ്യുക.