സംസ്ഥാന ശിശുക്ഷേമ സമിതി, മലിനീകരണ നിയന്ത്രണ ബോർഡ് എന്നിവിടങ്ങളിൽ ഒഴിവുകൾ

സംസ്ഥാന ശിശുക്ഷേമ സമിതി, വനിതാ ഹോസ്റ്റൽ, മലിനീകരണ നിയന്ത്രണ ബോർഡ് എന്നിവിടങ്ങളിൽ പുതിയ ഒഴിവുകൾ വന്നിട്ടുണ്ട്. യോഗ്യതയുള്ള ഉദ്യോഗാർത്ഥികൾക്ക് നേരിട്ട് അഭിമുഖത്തിൽ (Walk-in-Interview) പങ്കെടുക്കാവുന്നതാണ്.

തൃശ്ശൂർ ജില്ലയിലെ കോലഴി കൈതച്ചാൽ റോഡിൽ പ്രവർത്തിക്കുന്ന 'വിട്' എന്ന ശിശുപരിചരണ കേന്ദ്രത്തിൽ ദിവസവേതനാടിസ്ഥാനത്തിൽ ആയമാരെ (Caregivers) നിയമിക്കുന്നു. സംസ്ഥാന ശിശുക്ഷേമ സമിതിയുടെ കീഴിലുള്ള ഈ സ്ഥാപനത്തിൽ ജോലി ചെയ്യാൻ താത്പര്യമുള്ള വനിതകൾക്ക് അവസരം.

വിദ്യാഭ്യാസം: പ്ലസ് ടൂ അല്ലെങ്കിൽ പ്രീ-ഡിഗ്രി പാസായിരിക്കണം.

പ്രായപരിധി: 28 നും 42 നും മധ്യേ പ്രായമുള്ള വനിതകൾക്ക് അപേക്ഷിക്കാം.

അനുഭവം: കുട്ടികളുടെ പരിചരണ മേഖലയിൽ (Child Care) പ്രവൃത്തിപരിചയവും, സേവന താത്പര്യവും ഉണ്ടായിരിക്കണം.

യോഗ്യരായ ഉദ്യോഗാർത്ഥികൾ ജൂലൈ 25-ന് രാവിലെ 9.30-ന് 'വിട്' ശിശുപരിചരണ കേന്ദ്രത്തിൽ നേരിട്ട് ഹാജരാകണം. കൂടെ സർട്ടിഫിക്കറ്റുകളുടെ അസൽ, സ്വയം സാക്ഷ്യപ്പെടുത്തിയ പകർപ്പുകൾ, പാസ്പോർട്ട് സൈസ് ഫോട്ടോ എന്നിവ സഹിതം ഹാജരാകണം.

കൂടുതൽ വിവരങ്ങൾക്ക്: 9207546043.

പാലക്കാട് ജില്ലയിലെ പുതുപ്പരിയാരം വനിതാ ഹോസ്റ്റലിൽ വനിതാ വാർഡൻ തസ്തികയിലേക്ക് താല്ക്കാലിക/കരാർ വ്യവസ്ഥയിൽ നിയമനം നടത്തുന്നു.

വിദ്യാഭ്യാസം: എസ്.എസ്.എൽ.സി. പാസായിരിക്കണം.

പ്രായപരിധി: 2026 ജനുവരി ഒന്നിന് 30 നും 60 വയസിനും മധ്യേ പ്രായമുള്ളവർ.

മുൻഗണന: ഹോസ്റ്റൽ നടത്തിപ്പിലോ അഡ്മിനിസ്ട്രേഷനിലോ മുൻപരിചയമുള്ളവർക്കും, കമ്പ്യൂട്ടർ പരിജ്ഞാനമുള്ളവർക്കും മുൻഗണന ലഭിക്കും.

താത്പര്യമുള്ളവർ ജൂലൈ 22-ന് രാവിലെ 10.30-ന് പാലക്കാട് ജില്ലാ പഞ്ചായത്ത് ഓഫീസിൽ നടക്കുന്ന കൂടിക്കാഴ്ചയിൽ (Walk-in-Interview) പങ്കെടുക്കണം. പ്രായം, വിദ്യാഭ്യാസ യോഗ്യത, പ്രവൃത്തിപരിചയം എന്നിവ തെളിയിക്കുന്ന അസൽ രേഖകളും സഹിതം ഹാജരാകണം.

കൂടുതൽ വിവരങ്ങൾക്ക്: 0491 2505638

എഞ്ചിനീയറിംഗ് ബിരുദധാരികൾക്കായി സുവർണ്ണാവസരം. സംസ്ഥാന മലിനീകരണ നിയന്ത്രണ ബോർഡിന്റെ (KSPCB) പാലക്കാട് ജില്ലാ കാര്യാലയത്തിൽ ഗ്രാജുവേറ്റ് എഞ്ചിനീയറിംഗ് അപ്രന്റീസിനെ (Graduate Engineering Apprentice) നിയമിക്കുന്നു.

ഒഴിവിന്റെ വിശദാംശങ്ങൾ:

ഒഴിവുകളുടെ എണ്ണം: 1

പരിശീലന കാലാവധി: 1 വർഷം

സ്റ്റൈപ്പന്റ്: പ്രതിമാസം ₹10,000/-

വിദ്യാഭ്യാസം: സിവിൽ, കെമിക്കൽ, അല്ലെങ്കിൽ എൻവയോൺമെന്റൽ ബ്രാഞ്ചുകളിൽ ബി.ടെക് ബിരുദം നേടിയിരിക്കണം.

പ്രായപരിധി: 28 വയസ്സിന് താഴെയുള്ളവർ. (മുമ്പ് ബോർഡിൽ അപ്രന്റീസ് ആയി പ്രവർത്തിച്ചവർക്ക് മാനദണ്ഡങ്ങൾ പാലിച്ച് പങ്കെടുക്കാം).

ജൂലൈ 22-ന് (ബുധനാഴ്ച) രാവിലെ 11-ന് പാലക്കാട് ജില്ലാ പഞ്ചായത്തിന് സമീപമുള്ള മലിനീകരണ നിയന്ത്രണ ബോർഡ് ജില്ലാ കാര്യാലയത്തിൽ വോക്ക്-ഇൻ-ഇന്റർവ്യൂ നടത്തും. വിദ്യാഭ്യാസ യോഗ്യത, മാർക്ക് ലിസ്റ്റുകൾ എന്നിവയുടെ അസൽ സർട്ടിഫിക്കറ്റുകൾ, അവയുടെ സ്വയം സാക്ഷ്യപ്പെടുത്തിയ പകർപ്പുകൾ (2 കോപ്പി), പാസ്പോർട്ട് സൈസ് ഫോട്ടോ, പ്രവൃത്തിപരിചയ സർട്ടിഫിക്കറ്റുകൾ (ഉണ്ടെങ്കിൽ) എന്നിവ സഹിതം ഹാജരാകണം.

പരമാവധി ഷെയർ ചെയ്യുക.