കേരള ഫയർ ഫോഴ്സിൽ സ്റ്റേഷൻ ഓഫീസർ (ട്രെയിനി) ആകാം; അപേക്ഷിക്കാനുള്ള അവസാന തീയതി ഓഗസ്റ്റ് 5

അഗ്നിശമന സേനയിൽ ചേർന്ന് ജനങ്ങളുടെ ജീവനും സ്വത്തും സംരക്ഷിക്കാൻ ആഗ്രഹിക്കുന്ന യുവാക്കൾക്കായി സുവർണാവസരം. കേരള പബ്ലിക് സർവീസ് കമ്മീഷൻ (KPSC) ഫയർ ആൻഡ് റെസ്ക്യൂ സർവീസസിൽ സ്റ്റേഷൻ ഓഫീസർ (ട്രെയിനി) തസ്തികയിലേക്ക് അപേക്ഷകൾ ക്ഷണിച്ചിരിക്കുന്നു. 2026 ഓഗസ്റ്റ് 5 ആണ് അപേക്ഷിക്കാനുള്ള അവസാന തീയതി.

1.വിദ്യാഭ്യാസ യോഗ്യത

അംഗീകൃത സർവ്വകലാശാലയിൽ നിന്നുള്ള സയൻസ് ബിരുദം (B.Sc.) ആയിരിക്കണം.

രസതന്ത്രം (Chemistry) ഐച്ഛിക വിഷയമായുള്ള ബിരുത്തിന് മുൻഗണന ലഭിക്കും.

സർക്കാർ അംഗീകരിച്ച തത്തുല്യ യോഗ്യതകളും സ്വീകാര്യമായിരിക്കും.

2. പ്രായപരിധി

20 മുതൽ 35 വയസ് വരെ.

ജനനത്തീയതി: 02.01.1991 നും 01.01.2006 നും ഇടയിൽ (രണ്ട് തീയതികളും ഉൾപ്പെടെ).

OBC, SC/ST വിഭാഗക്കാർക്ക് സർക്കാർ നിയമപ്രകാരം പ്രായ ഇളവ് ലഭിക്കും.

ഫയർ ആൻഡ് റെസ്ക്യൂ വകുപ്പിൽ ക്ലാർക്കായി സേവനമനുഷ്ഠിക്കുന്നവർക്ക് പരമാവധി പ്രായപരിധി 43 വയസ്സ് ആണ്.

പ്രോബേഷൻ കാലയളവ്:

ജോലിയിൽ പ്രവേശിക്കുന്ന തീയതി മുതൽ മൂന്ന് വർഷത്തിനുള്ളിൽ രണ്ട് വർഷം പ്രോബേഷൻ കാലയളവായിരിക്കും. ഈ കാലയളവിൽ താഴെപ്പറയുന്ന പരീക്ഷകൾ പാസാകേണ്ടത് അത്യാവശ്യമാണ്:

കേരള ഫയർ ഫോഴ്സ് സ്റ്റാൻഡിംഗ് ഓർഡേഴ്സ് ആൻഡ് പ്രാക്ടീസ് ഡിപ്പാർട്ട്മെൻ്റൽ ടെസ്റ്റ്.

സെൻ്റ് ജോൺസ് ആംബുലൻസ് ഫസ്റ്റ് എയ്ഡ് പരീക്ഷ.

അക്കൗണ്ട് ടെസ്റ്റ് (ലോവർ).

പരിശീലനം: തിരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് വകുപ്പിൽ നിന്ന് പ്രത്യേക പരിശീലനം നൽകുന്നതായിരിക്കും.

കേരള പബ്ലിക് സർവീസ് കമ്മീഷൻ്റെ ഔദ്യോഗിക വെബ്സൈറ്റ് www.keralapsc.gov.in സന്ദർശിക്കുക.

'ഒറ്റത്തവണ രജിസ്ട്രേഷൻ' (One Time Registration) വഴി രജിസ്റ്റർ ചെയ്യുക. (നേരത്തെ രജിസ്റ്റർ ചെയ്തവർക്ക് User ID, Password ഉപയോഗിച്ച് നേരിട്ട് ലോഗിൻ ചെയ്യാം).

നിങ്ങളുടെ പ്രൊഫൈലിലെ വിവരങ്ങൾ (പേര്, ജനനത്തീയതി, യോഗ്യത മുതലായവ) കൃത്യമാണെന്ന് ഉറപ്പാക്കുക. ആധാർ നമ്പർ ID പ്രൂഫായി ചേർക്കുക.

'Apply Now' ബട്ടണിൽ ക്ലിക്ക് ചെയ്ത് അപേക്ഷാ ഫോം പൂരിപ്പിക്കുക.

6 മാസത്തിനുള്ളിൽ എടുത്ത പാസ്പോർട്ട് സൈസ് ഫോട്ടോ സ്കാൻ ചെയ്ത് അപ്ലോഡ് ചെയ്യുക.

അപേക്ഷ സമർപ്പിച്ചുകഴിഞ്ഞാൽ അതിൽ മാറ്റങ്ങൾ വരുത്താനാകില്ല. അതിനാൽ, സമർപ്പിക്കുന്നതിന് മുമ്പ് എല്ലാ വിവരങ്ങളും വീണ്ടും പരിശോധിക്കുക.

എഴുത്ത്/OMR/ഓൺലൈൻ പരീക്ഷ ഉണ്ടെങ്കിൽ, യോഗ്യരായ ഉദ്യോഗാർത്ഥികൾ അവരുടെ പ്രൊഫൈൽ വഴി പരീക്ഷ എഴുതുമെന്നുള്ള സ്ഥിരീകരണം (Confirmation) നൽകണം. അങ്ങനെ ചെയ്യുന്നവർക്ക് മാത്രമേ അഡ്മിഷൻ ടിക്കറ്റ് (Hall Ticket) ഡൗൺലോഡ് ചെയ്യാൻ സാധിക്കൂ.

അപേക്ഷിക്കാനുള്ള അവസാന തീയതി: 2026 ഓഗസ്റ്റ് 5, ബുധനാഴ്ച, രാത്രി 12:00 മണി വരെ.

ഔദ്യോഗിക വെബ്സൈറ്റ്: www.keralapsc.gov.in

അപേക്ഷിക്കുന്നതിനുള്ള നേരിട്ടുള്ള ലിങ്ക്: KPSC ഔദ്യോഗിക വെബ്സൈറ്റിൽ ലോഗിൻ ചെയ്ത് 'Notification Link' വഴി അപേക്ഷിക്കുക.