പൊതുമേഖലാ ബാങ്കുകളിൽ വിവിധ ജോലി അവസരങ്ങൾ

വിവിധ പൊതുമേഖലാ ബാങ്കുകളിലായി നിലവിൽ 10,277 ഒഴിവുണ്ട്.

പൊതുമേഖലാ ബാങ്കുകളിൽ ക്ലറിക്കൽ കസ്‌റ്റമർ സർവിസ് അസോഷ്യേറ്റ് തസ്തികകളിൽ നിയമനത്തിനായി ഇൻസ്റ്റിറ്റ്യൂട്ട് ഓഫ് ബാങ്കിങ് പഴ്സനൽ സെലക്ഷൻ (ഐ.ബി.പി.എസ്) വിജ്ഞാപനമായി. 

പൊതു എഴുത്തു പരീക്ഷയ്ക്ക് ഓഗസ്‌റ്റ് 21 വരെ ഓൺ ലൈനിൽ  അപേക്ഷിക്കാൻ സാധിക്കും.

കേരളത്തിൽ 330 ഒഴിവുകളുണ്ട്. പൊതുമേഖലാ ബാങ്കുകളിലെ ക്ലറിക്കൽ തസ്തികകളിലേക്ക് ഐ.ബി.പി.എസ് നടത്തുന്ന പതിനഞ്ചാമത്തെ പൊതു എഴുത്തുപരീക്ഷയാണിത്. ഈ പരീക്ഷ എഴുതിയവരെ മാത്രമാണ് ഐ.ബി.പി.എസിൽ ഉൾപ്പെട്ട ബാങ്കുകളിൽ 2026-27 സാമ്പത്തികവർഷത്തെ ക്ലർക്ക് നിയമനങ്ങൾക്കു പരിഗണിക്കുക. ഏതെങ്കിലും ഒരു സംസ്‌ഥാനം/കേന്ദ്രഭരണ പ്രദേശത്തേക്കു മാത്രമാണ് അപേക്ഷിക്കേണ്ടത്. ആ പ്രദേശത്ത് തന്നെ പരീക്ഷ എഴുതണം.

പരീക്ഷാകേന്ദ്രങ്ങൾ: കേരളത്തിൽ (‌സ്റ്റേറ്റ് കോഡ്: 27) കണ്ണൂർ, എറണാകുളം, കൊല്ലം, കോട്ടയം, കോഴിക്കോട്, തൃശൂർ. തിരുവനന്തപുരം, മലപ്പുറം, പാലക്കാട്,

യോഗ്യത: ഏതെങ്കിലും വിഷയത്തിൽ ബിരുദം അല്ലെങ്കിൽ തത്തുല്യം. കംപ്യൂട്ടർ ഓപറേഷൻസ്/ലാംഗ്വേജിൽ സർട്ടിഫിക്കറ്റ്/ഡിപ്ലോമ/ഡിഗ്രി യോഗ്യത ഉണ്ടായിരിക്കണം. അല്ലെങ്കിൽ ഹൈസ്‌കൂൾ/കോളജ്

ഇൻസ്‌റ്റിറ്റ്യൂട്ട് തലത്തിൽ കംപ്യൂട്ടർ/ഐ.ടി ഒരു വിഷയമായി പഠിച്ചിരിക്കണം. അപേക്ഷിക്കുന്ന സംസ്‌ഥാനത്തെ ഔദ്യോഗിക ഭാഷാപരിജ്‌ഞാനം (എഴുതാനും വായിക്കാനും സംസാരിക്കാനും കഴിയണം) വേണം. 2025 ഓഗസ്‌റ്റ് 21 അടിസ്ഥാനമാക്കി യോഗ്യത കണക്കാക്കും.

പ്രായം: 2025 ഓഗസ്‌റ്റ് 1 ന് 20-28 വയസ്. പട്ടികവി ഭാഗക്കാർക്ക് അഞ്ചും ഒ.ബി.സിക്ക് മൂന്നും ഭിന്നശേഷിക്കാർക്കു പത്തും വർഷം ഇളവ്. വിമുക്തഭടൻമാർക്കും ഇളവുണ്ട്.

പരീക്ഷ: പ്രിലിമിനറി, മെയിൻ എന്നിങ്ങനെ രണ്ടു ഘട്ടങ്ങളായുള്ള ഓൺലൈൻ പരീക്ഷയാണ്. പ്രിലിമിനറി പരീക്ഷ ഒക്ടോബറിൽ നടത്തും. ഇംഗ്ലിഷ് ലാംഗ്വേജ്, ന്യൂമെറിക്കൽ എബിലിറ്റി, റീസണിങ് എബിലിറ്റി എന്നീ വിഷയങ്ങളിൽനിന്നുള്ള ചോദ്യങ്ങൾ ഉൾപ്പെടുന്ന ഒരു മണിക്കൂർ ദൈർഘ്യമുള്ള പരീക്ഷയാണു പ്രിലിമിനറി.

മെയിൻ പരീക്ഷ നവംബറിൽ. കേരളത്തിലും ലക്ഷ ദ്വീപിലുമുള്ളവർക്കു പരീക്ഷാമാധ്യമമായി മലയാളവും തിരഞ്ഞെടുക്കാം. രണ്ടിനും ഒബ്ജെക്ട‌ീവ് ചോദ്യങ്ങളാണ്. നെഗറ്റീവ് മാർക്കുമുണ്ട്. മെയിൻ പരീക്ഷയുടെ അടിസ്ഥാനത്തിലാണു തിരഞ്ഞെടുപ്പ്. മാർച്ചിൽ അലോട്ട്‌മെൻ്റ് ആരംഭിക്കും.

 ആലപ്പുഴ.അപേക്ഷാ ഫീസ്: 850. (പട്ടികവിഭാഗം, വിമുക്‌തഭടൻ, ഭിന്നശേഷിക്കാർക്കു 175.

വെബ്സൈറ്റ്: www.ibps.in