ഫാർമസ്യൂട്ടിക്കൽ കോർപ്പറേഷനിൽ ജോലി; പ്രായപരിധി 41 വയസ് വരെ; കേരള പിഎസ്‌സി സ്പെഷ്യൽ റിക്രൂട്ട്മെന്റ്

ഫാർമസ്യൂട്ടിക്കൽ കോർപ്പറേഷനിൽ ജോലി നേടാൻ അവസരം. ബോയ്‌ലർ അറ്റൻഡന്റ് തസ്തികയിൽ കേരള പിഎസ്സിയാണ് പുതിയ റിക്രൂട്ട്‌മെന്റ് വിളിച്ചിട്ടുള്ളത്. പട്ടിക ജാതി വിഭാഗക്കാർക്ക് മാത്രമായുള്ള സ്‌പെഷ്യൽ എൻസിഎ റിക്രൂട്ട്‌മെന്റാണിത്.താൽപര്യമുള്ളവർ ഒഫീഷ്യൽ വെബ്‌സൈറ്റ് മുഖേന അപേക്ഷ നൽകണം.അവസാന തീയതി: ഒക്ടോബർ 15.

ഫാർമസ്യൂട്ടിക്കൽ കോർപ്പറേഷൻ (IM) കേരള ലിമിറ്റഡ് - ബോയിലർ അറ്റൻഡന്റ് റിക്രൂട്ട്‌മെന്റ്. പട്ടിക ജാതി വിഭാഗത്തിൽ ആകെ ഒഴിവുകൾ 01.

കാറ്റഗറി നമ്പർ: 370/2025.

തെരഞ്ഞെടുക്കപ്പെടുന്നവർക്ക് പ്രതിമാസം 26,500 രൂപമുതൽ 80,700 രൂപവരെ ശമ്പളമായി ലഭിക്കും.

18 വയസ് മുതൽ 41 വയസ് വരെ പ്രായമുള്ളവർക്ക് അപേക്ഷിക്കാം.

പട്ടിക ജാതി വിഭാഗത്തിനായുള്ള വയസ്സിളവുകളടക്കം) ഉദ്യോഗാർത്ഥികൾ 02.01.1984 നും 01.01.2007നും ഇടയിൽ ജനിച്ചവരായിരിക്കണം. (രണ്ടു തീയതികളും ഉൾപ്പെടെ).

എസ്.എസ്.എൽ.സി അഥവാ തത്തുല്യയോഗ്യതയും സംസ്ഥാന/ കേന്ദ്ര സർക്കാറിൽ നിന്നും ലഭിച്ച ഫസ്റ്റ്ക്ലാസ്/ സെക്കന്റ്ക്ലാസ് ബോയിലർ കോംപിറ്റൻസി സർട്ടിഫിക്കറ്റും.

പട്ടിക ജാതി സമുദായത്തിൽ ഉൾപെടാത്ത ഉദ്യോഗാർത്ഥികൾ സമർപ്പിക്കുന്ന അപേക്ഷകൾ നിരുപാധികം നിരസിക്കുന്നതാണ്.

ഉദ്യോഗാർത്ഥികൾ കേരള പബ്ലിക് സർവ്വീസ് കമ്മീഷന്റെ ഔദ്യോഗിക വെബ്സൈറ്റായ www.keralapsc.gov.in വഴി 'ഒറ്റത്തവണ രജിസ്ട്രേഷൻ' പ്രകാരം രജിസ്റ്റർ ചെയ്ത ശേഷമാണ് അപേക്ഷിക്കേണ്ടത്. രജിസ്റ്റർ ചെയ്തിട്ടുള്ള ഉദ്യോഗാർത്ഥികൾ അവരുടെ user ID യും password ഉം ഉപയോഗിച്ച് login ചെയ്ത ശേഷം സ്വന്തം profile ലൂടെ അപേക്ഷിക്കേണ്ടതാണ്. 

ഓരോ തസ്തികയ്ക്ക് അപേക്ഷിക്കുമ്പോഴും പ്രസ്തുത തസ്തികയോടൊപ്പം കാണുന്ന Notification Link-ലെ Apply Now -ൽ മാത്രം click ചെയ്യേണ്ടതാണ്. അപേക്ഷാ ഫീസ് നൽകേണ്ടതില്ല. ഓരോ തസ്തികയ്ക്ക് അപേക്ഷിക്കുന്നതിന് മുൻപും തന്റെ പ്രൊഫൈലിൽ ഉൾക്കൊള്ളിച്ചിരിക്കുന്ന വിവരങ്ങൾ ശരിയാണെന്ന് ഉദ്യോഗാർത്ഥി ഉറപ്പുവരുത്തേണ്ടതാണ്.

അപേക്ഷകൾ സ്വീകരിക്കുന്ന അവസാന തീയതി: 15.10.2025 ബുധനാഴ്ച അർദ്ധരാത്രി 12.00 മണി വരെ.

അപേക്ഷകൾ സ്വീകരിക്കുന്ന അവസാന തീയതി: 15.10.2025 ബുധനാഴ്ച അർദ്ധരാത്രി 12.00 മണി വരെ

അപേക്ഷ വിവരങ്ങൾ https://thulasi.psc.kerala.gov.in/thulasi/