പ്ലസ് ടുവാണ് യോ​ഗ്യത; വേ​ഗം അപേക്ഷിച്ചോളൂ;ഫയർ ഫോഴ്സിൽ വനിതകൾക്ക് അവസരം

കേരള ഫയർ ആന്റ് റെസ്‌ക്യൂ സർവീസിൽ സ്ത്രീകൾക്ക് മാത്രമായി വനിത ഫയർ ആന്റ് റെസ്‌ക്യൂ ഓഫീസർ (ട്രെയിനി) റിക്രൂട്ട്മെന്റ് നടക്കുന്നു. കേരള പിഎസ് സി മുഖേന നടത്തുന്ന സ്പെഷ്യൽ റിക്രൂട്ട്മെന്റാണിത്. പ്ലസ് ടു യോഗ്യതയുള്ള, സ്ഥിര സേന ജോലി ആഗ്രഹിക്കുന്നവർക്ക് മികച്ച അവസരമാണിത്. താൽപര്യമുള്ളവർ പിഎസ് സി വെബ്സെെറ്റ് മുഖേന അപേക്ഷ നൽകണം.അവസാന തീയതി: സെപ്റ്റംബർ 03

കേരള ഫയർ ആന്റ് റെസ്‌ക്യൂ സർവീസസിൽ വനിത ഫയർ ആന്റ് റെസ്‌ക്യൂ ഓഫീസർ (ട്രെയിനി) റിക്രൂട്ട്‌മെന്റ്. ആകെ ഒഴിവുകൾ 04.

കാറ്റഗറി നമ്പർ : 215/2025.

▪️തിരുവനന്തപുരം = 01

▪️എറണാകുളം = 01

▪️തൃശൂർ = 01

▪️പാലക്കാട് = 01

ശമ്പള വിവരങ്ങൾ

തെരഞ്ഞെടുക്കപ്പെടുന്നവർക്ക് പ്രതിമാസം 27,900 രൂപയ്ക്കും, 63,700 രൂപയ്ക്കും ഇടയിൽ പ്രതിമാസം ശമ്പളം ലഭിക്കും.

18 വയസ് മുതൽ 26 വയസ് വരെ പ്രായമുള്ളവർക്ക് അപേക്ഷിക്കാം. എസ്.സി, എസ്.ടി, ഒബിസി തുടങ്ങി സംവരണ വിഭാഗക്കാർക്ക് നിയമാനുസൃത വയസിളവ് ലഭിക്കും.

പ്ലസ് ടു അല്ലെങ്കിൽ തത്തുല്യം. 

കമ്പ്യൂട്ടർ ആപ്ലിക്കേഷൻ ഡിപ്ലോമയുള്ളവർക്ക് മുൻഗണന. 

പുരുഷൻമാർക്കും, ഭിന്നശേഷി ഉദ്യോഗാർഥികൾക്കും അപേക്ഷിക്കാൻ സാധിക്കില്ല.

സ്ത്രീകൾക്ക് കുറഞ്ഞത് 152 സെ.മീ ഉയരും, പട്ടികജാതി/ പട്ടിക വർഗ വിഭാഗക്കാർക്ക് 150 സെ.മീ ഉണ്ടായാൽ മതി. 

നീന്തൽ പരിജ്ഞാനം ആവശ്യമാണ്. രണ്ട് മിനുട്ട് പതിനഞ്ച് സെക്കന്റിനുള്ളിൽ 50 മീറ്റർ നീന്തി പൂർത്തിയാക്കണം. 

മെഡിക്കൽ ഫിറ്റ്‌നസും, കാഴ്ച്ചയും ഉണ്ടായിരിക്കണം. 

ഇതിന് പുറമെ താഴെ നൽകിയിരിക്കുന്ന എട്ട് ഇനങ്ങളിൽ അഞ്ചെണ്ണമെങ്കിലും വിജയിച്ചിരിക്കണം. 

100 മീറ്റർ ഓട്ടം = 17 സെക്കന്റ്

ഹൈജമ്പ് = 106 സെ.മീ

ലോങ് ജമ്പ് = 305 സെ.മീ

ഷോട്ട് പുട്ട് = 488 സെ.മീ

200 മീറ്റർ ഓട്ടം = 36 സെക്കന്റ്

ബോൾ ത്രോ = 14 മീറ്റർ

ഷട്ടിൽ റേസ് = 26 സെക്കന്റ്

സ്‌കിപ്പിങ് = 80 തവണ/ ഒരു മിനുട്ടിൽ.

താൽപര്യമുള്ള ഉദ്യോഗർഥികൾ കേരള പിഎസ്.സിയുടെ ഔദ്യോഗിക വെബ്‌സൈറ്റ് സന്ദർശിക്കുക. ശേഷം നോട്ടിഫിക്കേഷനിൽ വനിത ഫയർ ആന്റ് റെസ്‌ക്യൂ ഓഫീസർ (ട്രെയിനി) നിന്ന് തിരഞ്ഞെടുക്കുക. വിശദമായ വിജ്ഞാപനം വായിച്ച് സംശയങ്ങൾ തീർക്കുക. ആദ്യമായി പിഎസ്.സി വെബ്‌സൈറ്റ് സന്ദർശിക്കുന്നവർ ഒറ്റത്തവണ രജിസ്‌ട്രേഷൻ പൂർത്തിയാക്കണം. അല്ലാത്തവർക്ക് നേരിട്ട് പ്രൊഫൈലിലൂടെ അപേക്ഷിക്കാനാവും. അപേക്ഷ ഫീസ് നൽകേണ്ടതില്ല.

പരമാവധി ഷെയർ ചെയ്യുക