ജോലി വാർത്ത: ക്ഷീരവികസന യൂണിറ്റുകളിലും അങ്കണവാടിയിലും വിവിധ ഒഴിവുകൾ

ജോലി തേടുന്ന ഉദ്യോഗാർത്ഥികൾക്കയി സർക്കാർ മേഖലയിൽ രണ്ട് സുപ്രധാന അറിയിപ്പുകൾ പുറത്തുവന്നിരിക്കുന്നു. 

ക്ഷീരവികസന യൂണിറ്റുകളിലേക്ക് ഡയറി പ്രൊമോട്ടർമാരെയും, അങ്കണവാടിയിലേക്ക് വർക്കർ, ഹെൽപ്പർ എന്നീ ഒഴിവുകളിലേക്കും അപേക്ഷ ക്ഷണിച്ചിരിക്കുന്നു. താത്പര്യമുള്ള ഉദ്യോഗാർത്ഥികൾക്ക് വിശദമായ വിവരങ്ങൾ താഴെ നൽകുന്നു.

കേരളത്തിലെ തൃശ്ശൂർ ജില്ലയിലെ ക്ഷീരവികസന യൂണിറ്റുകളിൽ താത്കാലികമായും കരാറടിസ്ഥാനത്തിലും ഡയറി പ്രൊമോട്ടർമാരെ നിയമിക്കുന്നു. 2026-27 സാമ്പത്തിക വർഷത്തെ തീറ്റപ്പുൽ വികസന പദ്ധതിയുടെ ഭാഗമായാണ് ഈ നിയമനം.

സ്ഥാനം: ഡയറി പ്രൊമോട്ടർ (താത്കാലികം/കരാർ)

ജില്ല: തൃശ്ശൂർ

അപേക്ഷാ ആരംഭം: ഉടൻ

അവസാന തീയതി: സെപ്റ്റംബർ 5, 2026 (വൈകിട്ട് 5:00 മണിക്ക്)

വിദ്യാഭ്യാസ യോഗ്യത: എസ്.എസ്.എൽ.സി (പത്താം ക്ലാസ്) വിജയം.

പ്രായപരിധി: 18 നും 45 നും ഇടയിൽ പ്രായമുള്ളവർ.

താമസ വ്യവസ്ഥ: 

അതത് ക്ഷീരവികസന യൂണിറ്റിൻ്റെ പരിധിക്കുള്ളിൽ താമസിക്കുന്നവർ.

താത്പര്യമുള്ള ഉദ്യോഗാർത്ഥികൾ നിർദ്ദിഷ്ട മാതൃകയിലുള്ള അപേക്ഷാ ഫോം പൂരിപ്പിച്ച്, സെപ്റ്റംബർ 5 വൈകിട്ട് 5 മണിക്ക് മുമ്പായി ബന്ധപ്പെട്ട ക്ഷീരവികസന യൂണിറ്റിൽ സമർപ്പിക്കണം.

അപേക്ഷാ ഫോമിൻ്റെ മാതൃകയ്ക്കും വിശദ വിവരങ്ങൾക്കും ജില്ലയിലെ ക്ഷീരവികസന ഓഫീസുകളുമായി ബന്ധപ്പെടുക.

ഫോൺ: 0487 232 1660

കോട്ടയം ജില്ലയിലെ കങ്ങഴ ഗ്രാമപഞ്ചായത്തിലെ പതിനഞ്ചാം വാർഡിലുള്ള പത്തനാട് അങ്കണവാടി കം ക്രഷിലേക്ക് ക്രഷ് വർക്കർ, ക്രഷ് ഹെൽപ്പർ എന്നീ തസ്തികകളിൽ നിയമനം നടത്തുന്നു. വനിതാ ഉദ്യോഗാർത്ഥികൾക്ക് മുൻഗണന.

സ്ഥാനങ്ങൾ: ക്രഷ് വർക്കർ, ക്രഷ് ഹെൽപ്പർ.

സ്ഥലം: പത്തനാട് അങ്കണവാടി, കങ്ങഴ ഗ്രാമപഞ്ചായത്ത്, കോട്ടയം ജില്ല.

അപേക്ഷാ ആരംഭം: ഉടൻ

അവസാന തീയതി: സെപ്റ്റംബർ 15, 2026 (വൈകിട്ട് 5:00 മണിക്ക്)

യോഗ്യതാ മാനദണ്ഡങ്ങൾ:

പ്രായപരിധി: 18 മുതൽ 35 വയസ് വരെ.

ലിംഗം: വനിതകൾ മാത്രം.

താമസ വ്യവസ്ഥ: കങ്ങഴ ഗ്രാമപഞ്ചായത്തിൽ സ്ഥിരതാമസക്കാർ.

ക്രഷ് വർക്കർ: പ്ലസ്ടു (പന്ത്രണ്ടാം ക്ലാസ്) വിജയം. (യോഗ്യരായവരുടെ അഭാവത്തിൽ എസ്.എസ്.എൽ.സി വിജയികളെ പരിഗണിക്കും.)

ക്രഷ് ഹെൽപ്പർ: എസ്.എസ്.എൽ.സി വിജയം. (യോഗ്യരായവരുടെ അഭാവത്തിൽ ഏഴാം ക്ലാസ് വിജയികളെ പരിഗണിക്കും.)

യോഗ്യരായ ഉദ്യോഗാർത്ഥികൾക്ക് സെപ്റ്റംബർ 15 വൈകിട്ട് 5 മണിക്ക് മുമ്പായി അപേക്ഷ സമർപ്പിക്കാം.

കൊടുങ്ങൂർ മിനി സിവിൽ സ്റ്റേഷനിൽ പ്രവർത്തിക്കുന്ന വാഴൂർ ശിശുവികസന പദ്ധതി ഓഫീസുമായി ബന്ധപ്പെടുക.

ഫോൺ: 7907209161.