സാമൂഹ്യനീതി വകുപ്പിലും,മഹിള സമഖ്യ സൊസൈറ്റിയുടെ കീഴിലുമായി ജോലി ഒഴിവുകൾ

കേരള മഹിള സമഖ്യ സൊസൈറ്റിയുടെ നിയന്ത്രണത്തിൽ, വനിത ശിശുവികസന വകുപ്പിന്റെ സഹായത്തോടെ, കാസർഗോഡ് ജില്ലയിൽ പ്രവർത്തിക്കുന്ന എൻട്രി ഹോം ഫോർ ഗേൾസിലേക്ക് ഹോം മാനേജർ, സൈക്കോളജിസ്റ്റ് (പാർട്ട് ടൈം) എന്നീ തസ്ത‌ികയിലേയ്ക്ക് താത്കാലിക നിയമനത്തിന് വാക്ക് ഇൻ ഇന്റർവ്യൂ നടത്തുന്നു. 

യോഗ്യരായ സ്ത്രീ ഉദ്യോഗാർത്ഥികൾ വെള്ള പേപ്പറിൽ തയ്യാറാക്കിയ അപേക്ഷയോടൊപ്പം വിദ്യാഭ്യാസ യോഗ്യത, പ്രായം, പ്രവർത്തി പരിചയം എന്നിവ തെളിയിക്കുന്ന സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പ് സഹിതം മേയ് 30 രാവിലെ 11 ന് കാസർഗോഡ് കളക്ട്രേറ്റ് ജില്ലാ പഞ്ചായത്ത് ലൈബ്രറി ഹാളിൽ നടക്കുന്ന ഇന്റർവ്യൂവിന് ഹാജരാകണം.

3.മലയാള മനോരമ ഉൾപ്പെടെ ജോലി 

എം.എസ്.ഡബ്ല്യൂ, എം.എ സോഷ്യോളജി, എം.എ സൈക്കോളജി, എം.എസ്.സി സൈക്കോളജി എന്നിവയിലൊന്നാണ് ഹോം മാനേജറുടെ യോഗ്യത. എം.എസ്.സി/ എം.എ സൈക്കോളജിയും ഒരു വർഷത്തെ പ്രവൃത്തി പരിചയവുമാണ് സൈക്കോളജിസ്റ്റ് യോഗ്യത. പ്രായപരിധി 30-40 വയസ്.

കൂടുതൽ വിവരങ്ങൾക്ക്: സ്റ്റേറ്റ് പ്രോജക്ട് ഡയറക്ടർ, കേരള മഹിള സമഖ്യ സൊസൈറ്റി, റ്റി.സി. 20/1652, കല്പന, കുഞ്ചാലുംമൂട്, കരമന.പി.ഒ, തിരുവനന്തപുരം, 0471-2348666, keralasamakhya@gmail.com, www.keralasamakhya.org.

സാമൂഹ്യനീതി വകുപ്പിന്റെ കീഴിൽ വടക്കാഞ്ചേരി ആര്യംപാടത്തുള്ള മോഡൽ സായംപ്രഭ ഹോമിലേക്ക് ഫെസിലിറ്റെറ്റർ/മാനേജർ തസ്തികയിൽ കരാർ അടിസ്ഥാനത്തിൽ നിയമനം നടത്തുന്നു. ഒരു ഒഴിവാണ് നിലവിലുള്ളത്.

അംഗീകൃത സർവകലാശാല ബിരുദമാണ് അടിസ്ഥാന യോഗ്യത. സോഷ്യോളജി വിഷയത്തിലുള്ളവർക്ക് മുൻഗണന ലഭിക്കും. സാമൂഹ്യസേവന മേഖലകളിലോ മുതിർന്ന പൗരൻമാരുടെ ക്ഷേമപദ്ധതികളിലോ പ്രവൃത്തി പരിചയമുള്ളവർക്കും മുൻഗണന ഉണ്ടായിരിക്കും. ഹോമിന്റെ ദൈനംദിന പ്രവർത്തനങ്ങൾ നിയന്ത്രിക്കൽ, മറ്റ് സായംപ്രഭ ഹോമുകളുടെ മോണിറ്ററിംഗ്, ഫീൽഡ് തല ഇടപെടലുകൾ, പരിശീലന പരിപാടികൾ സംഘടിപ്പിക്കൽ തുടങ്ങിയ കാര്യങ്ങൾ കൈകാര്യം ചെയ്യാനുള്ള കഴിവ് അഭിലഷണീയമാണ്. 

മുതിർന്ന പൗരൻമാരോട് അനുകമ്പയും സഹാനുഭൂതിയും സേവന മനോഭാവവും ഉണ്ടായിരിക്കണം. പരമാവധി പ്രായപരിധി 45 വയസാണ്. പ്രതിമാസ വേതനം 21,000 രൂപ.

താൽപര്യമുള്ള ഉദ്യോഗാർത്ഥികൾ നിശ്ചിത ഫോറത്തിലുള്ള അപേക്ഷയോടൊപ്പം ഫോട്ടോ, വിദ്യാഭ്യാസ യോഗ്യത, പ്രവൃത്തി പരിചയം, വയസ് എന്നിവ തെളിയിക്കുന്ന സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം 2026 മേയ് 29 ന് രാവിലെ 10 മണിക്ക് ജില്ലാ സാമൂഹ്യനീതി ഓഫീസ്, മിനി സിവിൽ സ്റ്റേഷൻ, ചെമ്പൂക്കാവ്, തൃശ്ശൂർ-680020 എന്ന വിലാസത്തിൽ നടക്കുന്ന വാക്-ഇൻ-ഇന്റർവ്യൂവിൽ പങ്കെടുക്കണം. കൂടുതൽ വിവരങ്ങൾക്ക് 0487-2321702.