ഏഴാം ക്ലാസ് യോഗ്യതയിൽ ആശുപത്രിയിൽ വിജ്ഞാൻവാടികളിൽ ഉൾപ്പെടെ ഒഴിവുകൾ

ഈ ജൂൺ മാസത്തിൽ വിവിധ യോഗ്യതകളുള്ളവർക്കായി നിരവധി തൊഴിൽ അവസരങ്ങൾ വന്നിരിക്കുന്നു. അവ ഏതൊക്കെയെന്ന് നോക്കാം.

റാന്നി താലൂക്ക് ആശുപത്രിയിൽ ഹോസ്പിറ്റൽ അറ്റൻഡറുടെ ഒഴിവുണ്ട്. കരാർ അടിസ്ഥാനത്തിലാണ് നിയമനം.

യോഗ്യത: ഏഴാം ക്ലാസ് പാസായിരിക്കണം.

പ്രായപരിധി: 45 വയസ്സിൽ താഴെ.

മുൻഗണന: ആശുപത്രി ജോലിയിൽ പരിചയമുള്ളവർക്ക്.

അപേക്ഷിക്കേണ്ട വിധം: ബയോഡാറ്റ, തിരിച്ചറിയൽ രേഖ, പരിചയ സർട്ടിഫിക്കറ്റ്, യോഗ്യതാ സർട്ടിഫിക്കറ്റിന്റെ സാക്ഷ്യപ്പെടുത്തിയ പകർപ്പ് എന്നിവ സഹിതം പത്തനംതിട്ട റാന്നി താലൂക്ക് ആശുപത്രിയിൽ നേരിട്ട് സമർപ്പിക്കണം.

അവസാന തീയതി: ജൂൺ 29, 2026

ഫോൺ: 9188522990

കൊല്ലം ജില്ലാ എംപ്ലോയ്മെന്റ് എക്സ്ചേഞ്ചിൽ സ്വകാര്യ സ്ഥാപനങ്ങളിലെ ഒഴിവുകളിലേക്ക് അഭിമുഖം നടത്തുന്നു.

അഭിമുഖ തീയതിയും സമയവും: ജൂൺ 24, രാവിലെ 10.30 മുതൽ.

യോഗ്യത: പ്ലസ്ടു മുതൽ ഉയർന്ന യോഗ്യതയുള്ളവർക്ക് പങ്കെടുക്കാം.

പ്രായപരിധി: 18 മുതൽ 35 വയസ്സ് വരെ.

എന്തൊക്കെ കൊണ്ടുവരണം: ബയോഡാറ്റയുടെ 3 പകർപ്പുകളും ആധാർ കാർഡും സഹിതം ജില്ലാ എംപ്ലോയ്മെന്റ് എക്സ്ചേഞ്ചിൽ ഹാജരാകണം.

പ്രത്യേക പരിശീലനം: എംപ്ലോയബിലിറ്റി സെന്ററിൽ രജിസ്റ്റർ ചെയ്തവർക്ക് സോഫ്റ്റ് സ്കിൽ, കമ്പ്യൂട്ടർ പരിശീലനം നൽകും. പരിശീലനം പൂർത്തിയാക്കുന്നവർക്ക് സർട്ടിഫിക്കറ്റും നൽകും.

ഫോൺ: 8304852968

എറണാകുളം ജില്ലയിലെ വിവിധ വിജ്ഞാൻവാടികളിൽ (പട്ടികജാതി വികസന വകുപ്പിന് കീഴിൽ) കോ-ഓർഡിനേറ്റർമാരെ താത്കാലികമായി നിയമിക്കുന്നു.

ഓണറേറിയം: പ്രതിമാസം 10,000 രൂപ (ഒരു വർഷത്തേക്ക്).

യോഗ്യത: കമ്പ്യൂട്ടർ, ഇന്റർനെറ്റ് പരിചയമുള്ള ബിരുദധാരികൾ. (പട്ടികജാതി വിഭാഗത്തിൽപ്പെട്ടവർക്ക് മാത്രം).

പ്രായപരിധി: 21 മുതൽ 45 വയസ്സ് വരെ.

മറ്റ് വ്യവസ്ഥകൾ: അപേക്ഷകർ അതാത് തദ്ദേശസ്വയംഭരണ പരിധിയിൽ ഉള്ളവരായിരിക്കണം. പട്ടികജാതി വികസന വകുപ്പിലോ മറ്റ് സർക്കാർ വകുപ്പുകളിലോ പരിചയമുള്ളവർക്ക് മുൻഗണന.

അപേക്ഷിക്കേണ്ട വിധം: വെള്ളക്കടലാസിൽ തയ്യാറാക്കിയ അപേക്ഷയും, ജാതി, പ്രായം, യോഗ്യത എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പുകളും സഹിതം ജൂൺ 24-നകം എറണാകുളം ജില്ലാ പട്ടികജാതി വികസന ഓഫീസിൽ നേരിട്ട് സമർപ്പിക്കണം.

ഫോൺ: 04842422256